المقابر

المقابر ..

دار تنتظرك هناك !
وتحضنك لين الحياة الآخرة ..




المقابر ..

المكان اللي به العالم سوا ..
لا كبير ولا صغير ولاغني ولافقير
لا وضيع ولامكابر!

.

شوف ذاك الطفل يبكي فوق قبر ..

يمكن إنه قبر أمـّه ..

وشوف ذاك يودّع الميّت بـ بسمه !

لو هو الميت أبوه ..

عن فراقه كيف صابر ؟!

!


وهذا قبر إنسان أذكر إنه تاجر

واذكر اسمه ..

الشيخ عامر !

شيخ صار في حضن التراب !

يوم أشوفه كنت أقول إنه أنيق بكل شي

عاش عمره في قصور

وإن بغى أي شي بفلوسه يجيبه

وماعلى أهله قصور !

ورغم هذا ..

ابتلاه الله بـ هـمّ ..

وماعرف طعم السعادة السرور !

وش أخذ من دنيته غير العمل ؟!

لا قصوره نفعته

ولا فلوسه فادته

وحتى كلمة سمّ .. آمر طال عمرك

تختفي في ظلمة القبر الكئيبة

ويختفي ذاك الغرور !



!



يا مقابر ..

تاخذين أجسادنا لين العدم .!

يا مقابر ..

ماتحسّـين الظلام يخوّف الطفل الرضيع !

بعد موته حسّـسيه إنه رضيع ..

واشعلي حوله قناديل الحياة اللي انحرم منها صغير!

ولا أقولك احضني كل البشر في لحد يكسيه السواد !




يا مقابر..

اعرف انه أمر ربّي ..

ودام ربّي قال كـُنْ ما لـ عصيانك مصير!