حــــوار بـــيــــن عـــضـــويـــــن

تذكير بمساهمة فاتح الموضوع :

السلام عليكم ورحمة الله وبركاته

كيف حالكم؟ ان شاء الله تكونوا بالف خير

فكرة جديدة واكيد راح تعجبكم كثير يا احلى اعضاء

الفكرة هي كالتالي:

راح نعمل هنا عدة حوارات بين كل عضوين مع بعض

حيث يطرح كل عضو اي سؤال يريده على العضو الاخر

سواء سؤال خاص او سؤال عام او اجتماعي او عن المنتدى ،،،الخ؟

وبعد ان يجيب العضو الاخر على السؤال يطرح سؤال على العضو الاول

حتى يكتفي العضوان من الاسئلة .................

وممنوع مشاركة الاعضاء الباقيين باسئلة ما بامكانهم فقط التعليق

وبعدها اختار عضوين اخرين او اذا اراد اي عضو التحاور مع عضو معين يرسل لي

رسالة خاصة مع اي عضو يريده؟او يكتب انه يريد التحاور مع شخص معين هنا

وبامكان العضو المشاركة باكثر من حوار ولكن على مراحل متباعدة

اتمنى تكون الفكرة وصلتكم واذا كان عندكم اي استفسار اكتبوه هنا

مع تحيات اميرة الاحزان

Surprised

______________________________________

الطفولة ،،صفحة بيضاء ، وحياة صفاء ....ثغر باسم وقلبِ نقيّ ،،وروح براءة ..

والله أحلا حلا بس والله انا هلأ فتت بسرعة من مختبر الجامعة وعندي محاضرة كمان شوي ان شالله بفوت اليوم وبرد

______________________________________
من السهل جدا ان يضحي الشاب من اجل فتاة لكن.....من الصعب جدا ان يجد فتاة تستحق التضحية.........

.اعظم جرح دفنته
ما بتزكر في جروح بحياتي ودفنتها .....
2.اسوأ خبر سمعته في حياتك
خبر لما اختي عملت حادث
3.ما هو الموت بالنسبه لك
الموت اشي عظيم ورهيب وبداية مرحلة صعبة جدا والله يعينا على هديك اللحظة .....والله يجعل الموت النا راحة من كل هم
4.اكثر شي عملته وندمت عليه
ما بتزكر في اشي كبير عملته واتندمت عليه .......بس دايما بتندم لما أزعل أي حد مني وخصوصا امي
5.اوصف نفسك كما تراها انت
نفسي نفس انسان طيب وحنون ومتواضع لحد كبير وما بحقد على حد ....مرات بزعل اللي حولي بسبب عصبيتي ......فيي خصلة اني كريم بس مو على كل الناس يعني حسب اللي بيستاهل مع انو هاي عادة مو منيحة .......بصر على رأيي كتييييير .......بشعر في كتير من الأحيان انو تفكيري أكبر من عمري بكتير
6. واخيرا اوصف لي نفسك بكلمات بسيطه كام يرااك الناس
هادئ ...خلوق..... ذكي.....مغرور بعض الأحيان (مع انو في قلبي ما غرور بس الانسان الراكز والتقيل كتير ناس بفكروه مغرور)

شكرا يا حلا ....وانا استكفيت من الأسئلة الك واتعرفت عليكي وطبعا انا لئيتك كتييير واقعية وصريحة وحلوة الروح وبتمنالك التوفيق بحياتك وتلاقي الرجل اللي يسعدك
وطبعا ازا حابة تسئليني أي سؤال انا جاهز

______________________________________
من السهل جدا ان يضحي الشاب من اجل فتاة لكن.....من الصعب جدا ان يجد فتاة تستحق التضحية.........

شكرا كتير كتير الك انت كمان على صراحتك وبجد انت فيك كتير اشياء حلوه والظاهر انك شخص عقلك اكبر من عمرك بكتير وانا انبسطت بالحوار معك وبيكفي عليك كل هلاسئله

وشكرا لالك ولاميره الاحزان يلي اختارتنا نتحاور مع بعض

______________________________________
سلام اذا حان وقت مماتي .. وغطى التراب الطهور رفاتي..
وصرت بظلمة قبري وحيدة .. ولا من شفيع سوى حسناتي ..
فلا تذكروني بسوء فيكفي .. الذي قد جنيت طوال حياتي ..
دعوني أنم في قبري سعيدة .. وعذرا عن كل ماضٍ وآتي ..

اللهم اشفني مما اعلم ولا اعلم وانت به اعلم.

مَنْ تَكُنْ العَلْيَاءُ هِمَّةَ نَفْسِهِ *** فكل الذِّي يَلْقَاهُ فيها مُحَبَّبُ

مشكورين كتير يا احلى حلا وسكر على حواركم الحلو والصريح جدا والله يوفقكم بحياتكم ان شاء الله واكيد احنا تعرفنا على شخصياتكم اكتر من خلال الحوار واستمتعنا بقراءته وشكرا لكم على اجاباتكم وردودكم الصريحة على بعضكما البعض.

______________________________________

الطفولة ،،صفحة بيضاء ، وحياة صفاء ....ثغر باسم وقلبِ نقيّ ،،وروح براءة ..

بما انه اميرة الخيال اختارت وردة القمر للحوار معها وطبعا هاتين الفتاتين عضوتين جديدتين علينا يعني ما تعرفنا عليهم منيح وما بيدخلوا يوميا على المنتدى انا اخترتهم للحوار الثالث وراح ابعث رسالة خاصة لهم عشان يفوتوا عالحوار وبدي اعطي ملاحظة للجميع انه اي واحد بامكانه انه يختار العضو اللي بده يتحاور معه سواء يكتب هنا تعليق او يبعتلي رسالة خاصة وممكن العضو يشارك باكتر من حوار ايضا

______________________________________

الطفولة ،،صفحة بيضاء ، وحياة صفاء ....ثغر باسم وقلبِ نقيّ ،،وروح براءة ..

الحوار الثالث:-

بين عضوتين مميزتين بردودهما الحلوة والرائعة جدا وتتمتعان بذكاء ملفت للنظر.

اميرة الخيال & وردة القمر

يا ترى مين راح يكون اصرح بالاجابة؟ ومين راح يحرج التاني باسئلته؟

يلا يا وردة واميرة ابدأوا الحوار على طريقتكم الخاصة عشان نتعرف عليكم اكترر

good1

______________________________________

الطفولة ،،صفحة بيضاء ، وحياة صفاء ....ثغر باسم وقلبِ نقيّ ،،وروح براءة ..

شكرا جزيلا لك يا اميرة الاحزان على اهتمامك لوضعي بالحوار مع وردة القمر الشخصية التي لفتت انتباهي كثيرا بذكائها الخارق وشخصيتها الرائعة وتفكيرها العميق حتى اني حبيت اتعرف عليها اكثر من خلال هذا الحوار.

بداية حواري مع وردة القمر:
Surprised

هاي

؟ كيفك حبيبتي؟
سابدأ اسئلتي كالتالي:

1-مــــن انـــــــت ؟

2- ماهو هدفك بهذه الحياة؟

3-ماهي أمنيتك ؟

4-ماهي رؤيتك للحياة ؟

5-ماهي رسالتك في هذه الحياة ولمن توجهيها ؟

اتفضلي اتحلي شوكولاتة لذيذة واحنا بنتحاور ههههههههههه

اول شي شكرا لاميرة الاحزان على وضعي بالحوار مع انسانة كتير بحبها وبحترمها وبحسها قريبة للقلب وهي اميرة الخيال .

انا حبيت اهديكي هالصور تعبيرا عن مدى اعجابي وتقديري لكي يا احلى اميرة اميرة الخيال

اكيد سمو الاميرة اميرة الخيال .

1-مــــن انـــــــت ؟
انا من سكان مدينة القدس عمري 20 سنة بعيش انا وامي واخوتي التنين .بابا توفى قبل 5 سنين الله يرحمه. خلصت توجيهي وما كملت مع انه كان حلمي اكمل. انا من برج القوس

2- ماهو هدفك بهذه الحياة؟
هدفي للاسف راح لانه كان اني اكمل تعليمي وادخل الجامعة وكنت حابة ادرس حقوق بس للاسف ما قدرت احقق حلمي .

3-ماهي أمنيتك ؟
امنيتي عن جد اني اموت قبل امي الله يطول عمرها .ممكن تقوله هاي هبلة بس انا عن جد ما بعرف ليش كتير اوقات بقعد بفكر كيف لو لا سمح الله امي توفت شو راح اعمل لانه امي اكتر شخص في الدنيا ضحى عشاني وقد ما قولتلكم شو عملت عشاني راح تخلص صفحات المنتدى وانا عم بكتب.

4-ماهي رؤيتك للحياة ؟
رؤيتي للحياة هي ان الحياة لازم تنعاش بحلوها ومرها والرضا عكل شي عطانا الله او اخده فهو له حكمته بكل شيء

5-ماهي رسالتك في هذه الحياة ولمن توجهيها ؟
رسالتي للحياة بوجهها لكل بنات العالم انه كل بنت لازم تكمل تعليمها لانه البنت كائن ضعيف لازم تتسلح بالعلم حتى تقدر تكمل بالحياة الصعبة والمرة الي كلنا بنعيشها.

وشكرا كتير عالشوكولاته

اسالتي لسمو الاميرة اميرة الخيال :

1.من هي اميرة الخيال ؟

2.ليه اخترتي لقب اميرة الخيال؟وشو بيعنيلك الواقع في هالزمان ؟

3.لو قالولك غيري لقبك .شوهوانسب لقب لالك من الالقاب الموجودة في منتدانا؟

4.لفت انتباهي سؤالك الرابع الي سالتيني اياه فحبيت اسالك اياه .شو هي رؤيتك للحياة؟

موفقين يا ورده واميره في الحوار وهاي فرصه نتعرف عليكم اكتر

______________________________________

فكرة كتير حلوة اميرة وعجبني كتير حوار لارا وعصفور والتوفيق للكل في الحوار

مساء الخير للجميع ومساء الخير لحبيبتي وردة القمر الغالية على قلبي واللي حبيتها كثير بدون ما اشوفها حبيتها من ذكائها وحلاوة روحها ......... بحب اشكرك كثير يا احلى وردة على الصور الحلوة اللي اهديتيني اياها كلها من ذوقك وابداعك الرائع جدا يا قمر ................ وشكرا جزيلا على اجاباتك الصريحة على اسئلتي واكيد انه التعليم شيء مهم جدا بالحياة وبستاهل الشخص يندم عليه واكيد راح تعوضيه بتعليم اولادك بالمستقبل ان شاء الله................ والله يخليلك امك ياا وردة القمر...............

قبل ما ارد على اسئلتك شو رأيك نشرب كأسين كوكتيل هههههههههههه

شوفي يا وردة القمر ما احلى القمر وهو مكتمل

الان سوف ارد على اسئلتك:

1.من هي اميرة الخيال ؟

انا اميرة اتيت من قصر بعيد زرت منتداكم الجميل مرة فاعجبني واشتركت فيه واصبحت عضوة بمنتدى الشلة كلام في كلام ................
انا اسمي وعد من القدس من مواليد 27-12-90 عمري 18 سنة انا ادرس بجامعة بيت لحم سنة اولى بدرس ادب انجليزي انا انسانة مثقفة بطبعي احب قراءة كل ما هو جديد والتعرف على اشياء غريبة احب الانترنت وتكوين صداقات كثيرة مع ناس مثقفين رومانسية بطبعي.

2.ليه اخترتي لقب اميرة الخيال؟وشو بيعنيلك الواقع في هالزمان ؟

الصراحة انا بحب اعيش بخيالي اكثر من الواقع لانه الواقع ما بيعطيني كل شيء بتمناه فانا بسافر بخيالي وبحلم بكل شيء بتمناه بالخيال والواقع مؤلم خاصة في بلدنا فلسطين لا يجد الانسان ما يشتهيه هنا وقد تكون الاحلام والخيالات في أحيان ٍ كثيره وسيلة ً لنا للهروب من واقع ٍ أليم وجاف عندما تستحيل الإمكانيات تغييره ..
وقد تكون خوفا ًمنجمود المستقبل و مما تخبئه لنا الأيام القادمة.

3.لو قالولك غيري لقبك .شوهوانسب لقب لالك من الالقاب الموجودة في منتدانا؟

راح اختار لقبك يا وردة القمر هههههههههههه

4.لفت انتباهي سؤالك الرابع الي سالتيني اياه فحبيت اسالك اياه .شو هي رؤيتك للحياة؟

رؤيتي للحياة انه الحياة تحارب وفرص ولازم الانسان ينتهز الفرصة المناسبة للطريق الصحيح ولازم تكون عنا قناعة بالحياة والرضا بقضاء الله وقدره.

~~احلى وردة حمراء لاحلى وردة القمر~~

الصراحة انا كثير مستمتعة بالحوار معك يا وردة القمر وبتمنى انه انت تكوني نفس الشعور.

والآن اسئلتي الى وردة القمر:

1- ما هو اسمك الحقيقي اذا احببت الاجابة؟

2- ما هو سبب اختيارك للقبك الجميل؟

3- حدثيني عن عائلتك اذا احببت؟

4- هل هناك من دخل قلب وردة القمر دون استئذان؟

5- ما هي احلى تجربة بحياتك؟

6- انا كنت متوقعة لك الفوز بالاكاديمية بس صدقيني رغم انك ما حصلتي على اللقب كنت مميزة كثير بنظري، سؤالي لك ما هو شعورك بلحظة عدم فوزك باللقب؟

وشكرا لك يا وردة القمر.

شكرا يا رنوش على قراءه حوارنا انا وعصفور وعئبالك

وانطلقو يا اميره الخيال ووردة القمر مالكم رسميين بدنا تغوصو بالاعماق هههههههههه

موفقين

______________________________________

شكرا يا احلى اميرة في المنتدى على كلامك الرائع والكوكتيل زاكي كتير .والورد بيجنن زيك يا احلى وعد .

1- ما هو اسمك الحقيقي اذا احببت الاجابة؟
على فكرة السؤال هدا سالوني اياه قبل هيك بالمنتدى وانا ما رديت بس هالمرة راح ارد على شانك يا احلى وعد .اسمي الحقيقي هو رزان
2- ما هو سبب اختيارك للقبك الجميل؟
اختياري لهلقب لانه فنظري احلى شي بالدنيا القمر وهو بيعبر عن الجمال فما بالك بجمال ورد القمر عشان هيك انا اخترت وردة القمر.
3- حدثيني عن عائلتك اذا احببت؟
انا زي ما قلت بعيش مع امي واخوتي التنين .والبابا متوفي الله يرحمه .امي انسانةطيبة كتير وضحت كتير عشاننا .انا الكبيرة بين اخوتي اخوي الاصغر مني هو بصف اول ثانوي ادبي والاصغر هو بالصف السابع .عايشين حياة عادية بس امي بتوفرلنا الي بدنا اياه .
4- هل هناك من دخل قلب وردة القمر دون استئذان؟
الحب الحقيقي في نظري غير موجود في الايام الي بنعيشها .عشان هيك انا ما بامن بالحب .ولسة ما حسيت فيه بشكل حقيقي يعني جوابي لا .
5- ما هي احلى تجربة بحياتك؟
صدقيني احلى شي في حياتي كان الاكاديمية لانها اول مرة بحس بمنافسة حقيقية وكبيرة ورجعتني لايام المدرسة مع انه بالمدرسة الحمد لله دايما الاولى .بس ما قدرت احصل على لقب نجمة الاكاديمية .
6- انا كنت متوقعة لك الفوز بالاكاديمية بس صدقيني رغم انك ما حصلتي على اللقب كنت مميزة كثير بنظري، سؤالي لك ما هو شعورك بلحظة عدم فوزك باللقب؟
اكيد زعلت وزعلت كتير اولها لانه انا تعبت كتير زي ما كل المشتركين تعبو كمان لانه الرد على الاختبارات كانت بتاخد وقت كبير وكمان كنت بقعد على اعصابي يمكن هلا نومينيه .واصعب شي في النهاية انا واستنى النتيجة .بس الحمد لله اني كنت في المركز التاني واميرة الاحزان اكيد بتستاهل المركز الاول .

هاي الصور بتجمع اميرة الخيال ووردة القمر يعني قلبي وقلب احلى اميرة.

اسالتي لاميرة الخيال:
1.بدي اسالك الي بيدرس ادب انجليزي لازم يكون ملم باللغة الانجليزية من جميع النواحي ولا بيرجعو بياسسوه بالجامعة ؟
2.ليه اخترتي تدرسي ادب انجليزي؟
3.شو هي امنياتك وطموحاتك الي حابة توصليلها؟
4.هل في حياة اميرة الخيال حلم مستحيل تحقيقه ؟
5.احلى ذكرى بحياتك شو هي؟

تحياتي لاحلى اميرة

مساء الخير لاحلى وردة بالمنتدى وتسلمي كتير يا قمر انا كتير مبسوطة معك من كل قلبي وبشكرك على اجاباتك العفورية والصريحة على اسئلتي يا قمر

وشو رأيك قبل ما اجاوب على اسئلتك ناكل قطعتين كيك لذيذ ههههههههههه

اسئلة وردة القمر:

1.بدي اسالك الي بيدرس ادب انجليزي لازم يكون ملم باللغة الانجليزية من جميع النواحي ولا بيرجعو بياسسوه بالجامعة ؟

طبعا اكيد لازم يكون ملم بالانجليزي بس مش شرط انه يكون ملم من جميع النواحي ولازم يكون اساسه صح واهم شي يكون محب لهاي المادة

2.ليه اخترتي تدرسي ادب انجليزي؟
لاني من صغري بحب اللغة الانجليزية كتير ودائما كنت اطلع الاولى بهاي المادة وبحب احكي انجليزي بشكل خاص

3.شو هي امنياتك وطموحاتك الي حابة توصليلها؟
امنياتي اني اكمل دراستي اهم شيء وبعدين اشتغل كمعلمة لأني بحب اكون معلمة واصلح اوراق وهيك هههههههههههه وطبعا الاقي شخص محترم احبه ويحبني واكون عائلة سعيدة ان شاء الله.

4.هل في حياة اميرة الخيال حلم مستحيل تحقيقه ؟
حلم مستحيل تحقيقه ما بعرف بس ان شاء الله كل احلامي بتحقق باذن الله.

5.احلى ذكرى بحياتك شو هي؟
ههههههههههههه احلى ذكرى بحياتي هي ايام المدرسة وصاحبات الدراسة بجد ما بيتعوضوا وايامي الحلوة معهم ومزحنا مع بعض وخناقاتنا المتكررة وقصص الغرام والمراهقة ...........الخ

وقبل ما اسال وردة بدي اقول اني اسفة لتاخري عليك شوي بالرد والآن اسئلتي لوردة القمر:

1- من هو الشخص الذي تكرهه وردة ولا تطيقه بحياتها؟ما هي صفاته؟

2- طالما انك تركتي دراستك شو بتعملي حاليا يعني مشتركة بدورات او باشي تاني ؟

3- اكيد انت فتاة مثقفة فمن اين تستمدين معلوماتك؟

4- ما هو اكثر موقف تتذكريه دائما ولا ينسى بحياتك؟

5- دمعة حزن ذرفت من عيون وردة متى ومن اجل من؟

وشكرا سلام حبيبتي..

يا سلام عل الكيك اديه زاكي شكرا يا احلى اميرة
1- من هو الشخص الذي تكرهه وردة ولا تطيقه بحياتها؟ما هي صفاته؟
انا ما بحب الاناني الي بدو كل اشي الو حتى الاشيا الي مش الو بيفكرها ملكه وبيفكر كل الناس خدامين عنده.

2- طالما انك تركتي دراستك شو بتعملي حاليا يعني مشتركة بدورات او باشي تاني ؟
في الوقت الحالي مش مشتركة بدورات بس انا بديت اتعلم لرخصة السواقة حاليا .وكنت مشتركة بدورات عديدة بس حاليا مركزة في الرخصة.

3- اكيد انت فتاة مثقفة فمن اين تستمدين معلوماتك؟
انا بحب المطالعة كتير وبقرا كتير كتب والقراءة هي من هواياتي المفضلة يعني بخلص كتاب ببدا بغيره مباشرة .واكيد استفدت كتير من المطالعة بس مش لدرجة مثقفة مثقفة .

4- ما هو اكثر موقف تتذكريه دائما ولا ينسى بحياتك؟
اكيد يوم وفاة الولد لانه كان اصعب موقف مر عليي وراح يمر عليي

5- دمعة حزن ذرفت من عيون وردة متى ومن اجل من؟
ههووووووووو ما تعدي انا ببكي بسرعة حتى على اسباب احيانا بتكون مش مستاهلة يعني اذا بدي اقولك مش راح نخلص.

هالمرة يا اميرة انا عازمتك على بوظة ركب فرام الله شو رايك تيجي معي

اسالتي لاحلى اميرة.
1.شو اكتر شي بتخاف منه اميرة الخيال؟
2.اكتر مرة حسيتي فيها بالسعادة ايمتى وليه؟
3.شو رايك بالوضع الي بنعيشه في بلدنا ؟
4.من هو الشخص الي مستعدة تضحي عشانه؟
5.مين اكتر عضو مميز برايك بالمنتدى وليه؟